Comics and Nation Conference, 13-14 July 2017 : Lleoliad y Gynhadledd
Cynhelir y gynhadledd ar Comics and Nation ym Mhrif Adeilad y Celfyddydau, Prifysgol Bangor, Ffordd y Coleg, Bangor LL57 2DG.
Mae dinas Bangor wedi'i lleoli rhwng y Fenai a Pharc Cenedlaethol Eryri yn un o rannau prydferthaf gwledydd Prydain. Am wybodaeth bellach am Fangor a'r cyffiniau, ewch i'r tudalennau Gwybodaeth i Ymwelwyr ar brif wefan Prifysgol Bangor. Am glipiau fideo, delweddau panoramig rhyngweithiol ac oriel luniau, ewch i'n gwefan Taith Rithiol.
Teithio i'r Brifysgol
Mae'n hawdd cyrraedd Bangor trwy rwydweithiau ffordd a rheilffordd rhagorol, gyda chysylltiadau cyfleus i feysydd awyr Llundain, Manceinion a Lerpwl. Mae wedi'i lleoli rhwng dinasoedd hanesyddol Conwy a Chaernarfon, gyda chestyll enwog a nifer o atyniadau eraill wrth law ar gyfer digwyddiadau cymdeithasol a gwibdeithiau o'r gynhadledd.
Ar y Ffordd
Mae gan y Brifysgol gysylltiadau ffordd da o ffordd ddeuol arfordir Gogledd Cymru, yr A55. Defnyddiwch god post LL57 2DG i gynllunio trywydd eich taith.
Teithio ar y trên
Mae cysylltiadau rheolaidd i orsaf drenau Bangor gan Virgin Trains a Threnau Arriva Cymru.
Ar Fws
Gwasanaethir Bangor gan fysiau National Express a darperir gwasanaethau bws lleol gan Fysus Arriva Cymru a chwmnïau bysiau eraill. Mae TravelineCymru yn darparu manylion am yr holl wasanaethau bws.
Gydag Awyren
Meysydd awyr agosaf Bangor yw Manceinion a Lerpwl John Lennon; mae cysylltiadau ffyrdd a rheilffyrdd da o'r ddau. Mae Maes Awyr Môn yn gyfleus ac yn cynnig teithiau awyren dyddiol i Gaerdydd.
Ar y Môr
Mae gwasanaethau fferri gan Irish Ferries a Stena Line o borthladd Caergybi (rhyw 30 munud o Fangor mewn car neu drên) i Iwerddon.
